Долгоочекуваните бомбастични мемоари „Finding Freedom“, за Меган Маркл и принцот Хари конечно се објавени, а со тоа во јавност се појавија уште непознати делови за нивните животи.
Како што пишува во мемоарите, првиот брак на Меган Маркл со телевизискиот продуцент Тревор Енгелсон не успеал бидејќи нему не му се допаднало што по улогата во серијата „Suits“ Меган станала славна.
Авторите на мемоарите, Омид Скоби и Каролин Дурант, тврдат дека Енгелсон сакал неговата сопруга да биде зависна од него, особено кога се работело за финансиите.
Врската која после седум години била крунисана со брак што траел само до 2013 година, се распаднала откако Меган станала славна.
Мемоарите откриваат дека тогаш 23-годишната Меган се вљубила во Тревор кога тој бил продуцент во подем.
„Во периодот додека уште беа само во врска, Меган на своите најблиски пријатели им открила дека Тревор не ја поддржува во нејзината актерска кариера. Чувствуваше дека му се допаѓа што е зависна од него и тоа е вистината за нивната врска – Тревор беше доминантен во врската. Му се допаѓаше што тој „носи леб“ и што единствено преку него Меган може да запознае луѓе во филмската индустрија“, открил близок пријател на Меган.
Откако ја добила улогата во серијата, Меган сè повеќе време поминувала во Торонто, а Тревор живеел во Амеерика, па тоа во голема мера влијаело на распадот на нивниот брак. До 2013 година нивните средби се разретчиле, а Тревор сам бил на доделувањето на наградите Оскар, тврдејќи дека добил само една влезница.
Но вистината наводно била сосема поинаква. Енгелсон бил свесен дека неговото доаѓање може да ја намали заинтересираноста на медиумите за него, затоа одлучил да оди сам. Шест месеци подоцна документите за развод биле поднесени, а како главна причина биле наведени „непомирливи ралики“. Меган преку пошта му го испратила дијамантскиот венчален прстен.
