Поп ѕвездата Кејти Пери (35) набрзо за првпат ќе стане мајка, а за кума на ќерката која ќе ја добие со Орландо Блум, ја одбрала нејзината долгогодишна пријателка Џенифер Анистон.
Познатата 51-годишна глумица со задоволството прифатила да биде кума на бебето.
Како што открива извор за „Сан“, Блум и Пери во налет на емоции не можеле да ги запрат солзите кога ја прашале Џенифер дали ќе биде кума на нивната ќерка.
Не криејќи го задоволството за понудената чест, ни Џенифер Анистон не можела да се воздржи и да не заплаче.
Џенифер на Кејти во текот на бременоста и давала емотивна поддршка. Тие се многу блиски, а за време на карантинот многу време поминувале заедно во прошетки, држејќи притоа потребна физичка дистанца.
Кејти и Џенифер ги поврзува пријателство долго скоро 10 години, а во еден период биле и сопернички.
Џенифер во 2008 година кратко излегувала со музичарот Џон Мајер, со кого Кејти била во испрекината љубовна врска од 2012 до 2014 година.
