Пејачката Јелена Карлеуша ја прифати поканата на актерот Лазар Ристовски да глуми во серијата што ја подготвува, која според гласините ќе биде најскапата серија досега снимена во регионот.
По многу размислување и дискусија, поп-дивата реши да ја прифати понудата, а пресудно било тоа што е голем предизвик и мегаломански проект во кој ќе се вложат многу пари, што е и многу инспиративно за неа бидејќи е нешто ново и вредно за внимание.
Како што раскажува извор за српски „Телеграф“, Карлеуша ќе глуми разбојничка, фатална заводничка, подготвена на сѐ за да ја заштити својата територија во серијата што ќе го прикажува периодот на средниот век.
„Приказната е измислена, но се базира на многу историски моменти и геополитички факти, се работи за средниот век. На оваа серија работиме долго време и целата идеја е нешто невидено кај нас. Идејата на Лазар Ристовски беше да ѝ понуди на Јелена значајна улога, главната улога, што таа на крајот ја прифати. Ова ќе биде голем предизвик за неа, но и за целиот тим. Сите сигурно ќе сакаат да го видат тоа“, изјави изворот за „Телеграф“.
„Јелена ќе глуми фатална заводничка која се занимава со интриги и политика и ги заведува најголемите личности од таа ера, сѐ со цел да ја заштити својата земја. Дури, колку што знам, убива моќен човек според сценариото… Тоа што се гради пиратски брод, како и градот што ќе се гради во областа на Котор, покажува колку е сѐ големо. Снимањето треба да започне за неколку месеци“, изјави соговорничката на „Телеграф“.
Колку ќе се инвестира во проектот доволно говори и информацијата која е сѐ погласна и погласна, а тоа е дека серијата ќе се прикажува на Нетфликс.
