Полицијата приведе маж откако бил виден како врши нужда во градината на соседот на Пирс Броснан, пред да упадне во домот на познатиот актер.
Тој наводно прошетал во неговата градина, по што провалил во куќата каде што ја користел водата за да се исчисти, пренесува Sky News.
Осомничениот потоа побегнал од местото на настанот, но полицијата со помош на хеликоптер успеала да го пронајде на брегот. Не е познато дали Броснан бил во куќата за време на инцидентот.
Ова не е прв пат некој да упадне во имотот на актерот во Малибу, бидејќи минатата година тој поднел барање за забрана за приближување на жена за која рече дека го вознемирувала него и неговото семејство.
70-годишниот актер и неговата сопруга живеат во Лос Анџелес во куќа од 100 милиони долари, а полицијата извести дека во понеделникот еден натрапник решил да го користи дворот на својот сосед како бања пред да упадне во домот на ѕвездата од серијалот 007.
Пирс првично беше во брак со покојната Касандра Харис од 1980 до 1991 година и ги има Кристофер и Шон со неа, а со сегашната сопруга Кили Шеј Смит (59) ги има Дилан и Парис.
Од полицијата изјавија за „ТМЗ“: „Наши вработени веднаш се упатија во куќата на Пирс во Малибу во понеделникот попладне, откако добија известување дека има човек на неговиот имот и на имотот на неговиот сосед.
„Младиот човек беше виден како го користи дворот на соседот како своја лична бања“.
