Пејачката Јована Пајиќ, која неодамна проговори за тешкиот период по разводот, секогаш отворено одговара на прашањата поврзани со нејзината колешка Марија Шерифовиќ, со која неодамна објавија и дуетска песна.
И овојпат одговори на прашање кое ги интересира многумина – како нејзините ќерки реагираат на гласините за наводна врска со Шерифовиќ.
– Моите деца никогаш не ме прашале ништо во врска со тоа, бидејќи Марија ја знаат од раѓање. Притоа, тие се деца на јавни личности и за време на нашиот брак читаа разни нешта по весници. За нив нема ништо ново во тоа што се пишува. Тие знаат која сум јас и кои сме ние. Имам отворен однос со нив, во склад со нивната возраст, и никогаш не сум имала прашање кое ги збунува – изјави Пајиќ.
Нејзините ќерки се голема поддршка и сега кога таа се враќа на музичката сцена. Сите го паметат емотивниот момент од осмиот концерт на Марија Шерифовиќ, кога Јована ги изведе ќерките на сцена и заедно го испеаа нејзиниот познат хит.
Јована неодамна проговори и за болниот период низ кој поминала:
– Разводот, навистина, беше најтешкиот период во мојот живот, затоа што мораш да останеш стабилен заради нив двете, а се чувствуваш сосема спротивно. Ако го изоставиме ситното задоволство што оваа песна ме зајакна и ми го нахрани егото, многу поважно ми е што со мојот пример им покажав како еден ден самите да се изборат за своите желби или како да поминат низ криза. Тоа ми е повредно од сè.
