Пејачката Јелена Карлеуша првпат по разводот од поранешниот сопруг, фудбалерот Душко Тошиќ, емотивно проговори за нивниот однос, но и за односот со неговата мајка, Николета Тошиќ.
Во интервју за емисија на српска телевизија, Карлеуша отворено зборуваше за предизвиците во бракот, процесот на разделба и начинот на кој се обидела да го зачува своето достоинство. Во најемотивниот дел од разговорот, пејачката заплака додека зборуваше за својата поранешна свекрва.
„Најмногу ја сакам Николета, мајката на Душко. Можам да кажам дека и таа многу ме сака и ми е жал за сè низ што поминува како жена која не е виновна за ништо, а која многу бурно и тешко ги доживуваше сите овие години, меѓу другото и поради мене. Ѝ праќам поздрав и бакнежи. Ви благодарам за целата љубов“, изјави Карлеуша за Ало.
Таа нагласи дека, и покрај разводот, односот со Николета останал пријателски и полн со почит, за што е особено благодарна.
