Ивана Кукриќ некогаш важеше за една од најпознатите и најубави српски манекенки, а пошироката публика ја памети и по појавувањето во спотот на Здравко Чолиќ за песната „Zločin i kazna“.
Денес нејзиниот живот изгледа сосема поинаку – таа со години живее во САД и ретко се појавува во јавноста.
Кукриќ своевремено изгради успешна кариера во модниот свет и беше едно од препознатливите лица на тогашната манекенска сцена. Сепак, со текот на времето се повлече од медиумите и се посвети на приватниот и семејниот живот.
View this post on Instagram
Таа денес живее во Америка со црногорскиот бизнисмен Иван Бајковиќ, со кого има две деца. Иако јавноста со години се интересираше за нејзиниот љубовен живот, Кукриќ одлучи партнерот и семејството да ги држи подалеку од медиумското внимание.
„Јас веќе сум мажена, но не сакав тоа да го споделам со јавноста. Важно ми е да имам одредена приватност и детали што ги чувам и ги споделувам само со најблиските“, изјави таа своевремено.
View this post on Instagram
За разлика од периодот кога беше редовно присутна во медиумите и на модните настани, денес Кукриќ води значително поповлечен живот.
Сепак, за публиката остана препознатлива и по соработката со Здравко Чолиќ. Нејзиното појавување во спотот за „Zločin i kazna“ е еден од моментите по кои многумина и денес ја паметат.
Некогаш едно од најпрепознатливите манекенски лица во регионот, Кукриќ денес го избрала семејниот живот во Америка и приватноста наместо присуството под светлата на рефлекторите.
