Холивудскиот актер Том Хенкс, со сопругата Рита Вилсон – пристигнаа на островот Антипарос, во Грција.
Почитувајќи ги препораките во светската пандемија, тие пристигнаа под маски на нивниот омилен остров. Бидејќи поседуваат вила во оваа земја, во своите интервјуа често изјавуваат дека ја обожаваат Грција.
Ова е прва нивна посета од декември, кога Том Хенкс стана почесен граѓанин на Грција.
За потсетување, 63-годишниот Том Хенкс е добитник два пати на наградата Oскар за филмовите „Филаделфија“ и „Форест Гамп“, четири пати добитник на Златен глобус и пет пати добитник на престижните награди Eми. Рита Вилсон актерката, текстописец и продуцент, кај публиката го привлече вниманието со нејзиниот трет албум „Bigger Picture“.
