Андрeана Чекиќ ја тужела продукцијата „Гранд“ пред две години. Сега објасни зошто ја донела таа одлука.
– Да, ама тој процес започна пред две, можеби и три години, ќе те излажам. Досега не сум го коментирала, еве кај тебе првпат. Целата приказна сè уште е во процес, ништо не е завршено, малку се одложуваше, се менуваше судија и слично – вели таа за „Скандал“ и продолжува:
– Нема никаква врска со Саша. Станува збор за Јутјуб и за тоа што, иако старите песни се сега на мојот нов канал, „Гранд“ сè уште зема 100 отсто од монетизацијата, за што немаат право, бидејќи јас сум таа што вложила и во песните и во спотовите.
– Договорот ми е истечен. Нормално е што земале додека важел, ама земаат и сега, што не може така. Сите се прават луди и нешто кријат – додава таа.
