Љубовта цвета за поранешниот фудбалер Драгиша Гудељ! Тој денес пристигна во Белград, а фановите не мораа долго да чекаат за да дознаат со кого го минува времето – со новата девојка, младата и атрактивна пејачка Ема Радујко.
Папараците ги „фатија“ заедно како шетаат низ градот, разменуваат нежности и без срам го потврдуваат тоа што досега само се шушкаше – дека се во врска.
Ема, која има само 20 години, веќе направи бранови на естрадата. Позната стана по хитот „Жена на фудбалер“, а судбината очигледно решила да ја награди со токму таков. Драгиша и Ема наводно се зближиле на летување со семејството Гудељ и пејачката Анастасија Ражнатовиќ.
Младата ѕвезда веќе има еден албум зад себе, а на Инстаграм ја следат повеќе од 400.000 фанови кои се воодушевени од нејзините провокативни фотографии. Мнозина ја споредуваат со Теодора Џехверовиќ, а некои дури велат дека е нејзина „двојничка“.
Пред Драгиша, Ема беше во врска со фудбалерот Урош Рачиќ – љубов што таа не ја криела и дури се шпекулира дека песната „Тајно моја“ била инспирирана токму од таа врска.
