Американската актерка Џенифер Гарнер (48) објави фотографија од своето детство, па се пошегува на сметка на својата фризура уште од младоста.
Имено, поранешната сопруга на Бен Афлек објави фотографија од нејзиното детство на социјалната мрежа Инстаграм, а бидејќи косата не ѝ е убаво потстрижана на сликата, таа објасни.
– Понекогаш потстрижувањето од 8 долари можеше да излезе убаво, но не секогаш – напиша познатата актерка под објавата.
Таа ги насмеа своите следбеници со овој пост, а еден обожавател и напиша дека нејзиниот син Сем Афлек изгледа исто како неа во нејзината младост.
Гарнер ги има осумгодишниот син Сем, ќерката Виолет (14) и Серафина (11) со поранешниот сопруг Бен Афлек (48), кој моментално е во врска со актерката Ана Де Армас (32) и се шпекулира дека неодамна ја запросил.
Џенифер и Бен се во добри односи, а актерката неколку пати се обиде да му помогне да се справи со зависноста од алкохол, сепак, кога тие обиди станаа неуспешни, се разведе од него во 2018 година. Некое време се шушкаше дека започнала романса со нејзиниот колега Бредли Купер, но двајцата не се осврнаа воопшто кон таа приказна, па ниту ја потврдија ниту ја демантираа. Џенифер засега ужива во друштво на своите три деца, а во една прилика изјави дека се уште не е подготвена за нова љубов.
