Водителката Живкица Каленикова објави интересна приказна за најстариот син Даријан кој е веќе тинејџер.
Тој летово ужива во морските авантури на Халкидики. Каленикова објави видео од својот син додека вози вејкборд, а кратко напиша:
„Мајкин“.
Даријан неодамна наполни 15 години и годинава беше полуматурант. Тој е најстарото од трите деца на Живкица и нејзиниот сопруг Зоран Калеников. Двојката ги има и синот Марко, кој има 13 години, и ќерката Ана, која има 12 години.
Каленикови и ова лето традиционално го поминуваат семејно покрај море. Живкица со сопругот и децата подолг период престојува во камп на Халкидики, од каде што споделува моменти од нивното летно секојдневие. Најновата објава е посветена токму на Даријан и неговата умешност на вода.
Водителката и претходно зборуваше за карактерите на своите три деца, а за Даријан рече дека е многу одговорен. Марко го опишала како најпргав и најдинамичен, а Ана како силна девојка.
Живкица со години успешно ги спојува телевизиската кариера и семејниот живот. Публиката долго ја препознаваше како авторка и водителка на „Тунел“, а денес ја води емисијата „Жилет шоу“.
„Сакам убава храна, сакам убаво да си јадеме, сакам да им зготвам на децата, така ми останало од мајка ми. Најубав комплимент ми е кога ќе влезат дома и кога ќе кажат: „Мириса како кај Нанче – кај мајка ми“. Тоа ми е најубавото нешто кога ќе го слушнам“, рече Живкица во едно интервју за „Слободен печат“.
