Српската пејачка Тања Савиќ од бракот со поранешниот сопруг Душан Јованчевиќ има два сина, Ѓорѓе и Максим, а сега сподели дека едниот од нив матурирал.
Гордата мајка се пофали со синот матурант на Инстаграм, па покажа дека на матурата го однела во скап кабриолет.
Во описот на фотографијата, Тања напишала кратко: „Матурантот на мама“.
Тања позирала со наследникот и горда и насмеана, па е јасно дека на нејзината среќа нема крај.
Да потсетиме, пред неколку години, Савиќ помина низ вистинска агонија додека се бореше за старателство на децата со поранешениот сопруг, откако тој ги однесе во Австралија без нејзино знаење. Пејачката еднаш отворено проговори за мајчинството.
– Сè носи своја одговорност. Кога човек е сам, мора сам со тоа и да се справи. Да биде татко и мајка на своите деца, како што е во мојот случај. Горда сум што сето тоа го постигнувам, но морам да признаам дека понекогаш ми е навистина тешко. Среќна сум што денес имам свои пари, што никој не ми ги брои парите, што можам да им купам на моите деца нешто што го сакаат. Ова се некои работи врз кои претходно немав никакво влијание, сега сум свој човек. Моќно? Не можам така да го кажам тоа. Премногу сум скромна за тој збор, го немам тоа во себе. Парите никогаш не можат да ме прават среќна. Навистина сум приземјена и сите луѓе ги гледам како еднакви на себе – рекла Тања Савиќ.
