Ќерката на актерот Гоце Тодоровски, Сашенка, го одбележа својот роденден во домашна атмосфера.
На една од најпопуларните македонски фејсбук-страници, посветени на актерот Ѓорѓи Колозов и познатиот телевизиски проект „Македонски народни приказни“, беа објавени неколку фотографии од семејната прослава и дружба.
„Фамилијата Тодоровски го прослави роденденот на ќерката Сашенка!
Скромна семејна идила на чело со нашата легенда Гоце, потоа славеничката Сашенка, а тука се и сопругата на Гоце, зетот од ќерка со синот Гоце (крстен по актерот) и неговата ќерка Марија и нејзиното момче.
Сашенка ми пренесува дека Гоце испраќа поздрав до сите негови обожаватели, се крепи колку што може и сè уште е желен за работа, сè уште размислува да снима, жарот не згаснува!
Фала ти Сашенка што ме удостои со овие фотографии и среќен роденден“, напиша администраторот на страницата, Горан.
