Македонската пејачка Александра Јанева му кажа „да“ на нејзиниот долгогодишен дечко Иван Ангелов. Тој ја запроси во „градот на љубовта“ – Париз, под светлата на магичната Ајфеловата кула.
Пејачката на хитот „Врати ми го сонцето“ објави неколку фотографии од овој посебен момент, на кои го покажа и свршеничкиот прстен.
„Сакам кога се смееме заедно и кога ми пееш раштимани тонови, ама чисти од душа.
Кога и двајцата пуштаме солза на тажни филмски сцени, а ти ја криеш низ насмевка плачко мој најсакан.
Кога сакам да сум ти лута, ама не можам и не знам како повеќе од пет минути, кога не сакаш да се одлепиш од мене исто колку јас од тебе.
Се појави на вистинско место, во вистинско време. Јас и ти во нашето време за љубење“, напиша таа во описот.
