Нашата позната пејачка Маја Оџаклиевска важеше и сè уште важи за една од најубавите и најталентираните пејачки на забавна музика кај нас и на целата територија на поранешна Југославија.
Оџаклиевска долги години живее и работи во Србија, и иако веќе некој период се повлече од естрадата, нејзините песни уште се пејат насекаде.
Маја по втор пат стана баба, откако нејзината помала ќерка Андреа доби син од бракот со сопругот Милош.
Долгогодишната врска Андреа и Милош ја озаконија во мај оваа година, а на свадбената прослава Маја по желба на својата ќерка и зет отпеа дел од нејзините безвременски хитови.
Многумина ќе кажат убавината е наследна – во овој случај тоа е повеќе од вистина. Андреа Оџаклиевска е вистинска убавица и копија на нејзината мајка.
Андреа е активна на социјалните мрежи, а нејзиниот инстаграм-профил е исполнет со бројни фотографии на кои може да се забележи убавината и прекрасната широка насмевка која со сигурност ја наследила од својата мајка.
Маја, покрај ќерката Андреа, ја има и ќерката Теа од која го има шестгодишниот внук Лука.
View this post on Instagram
Оџаклиевска се повлече од сцената пред повеќе од 20 години, а денес ужива во пензионерските денови, иако воопшто не и се лесни затоа што нејзината пензија е мала. Како што неодамна истакна, таа целосно му се посвети на својот деветгодишен внук од постарата ќерка, кој е дете со аутизам.
