На крајот од октомври, месец посветен на подигнување на свеста за ракот на дојка, македонската водителка Лила Филиповска облече розово – бојата која ја симболизира поддршката за сите оние кои се борат со оваа тешка болест.
Инаку, и самата таа ја водеше оваа макотрпна битка и излезе од неа како победник.
Сега таа сподели нова објава на Инстаграм и ги потсети своите женски следбеници дека треба да прават редовни лекарски прегледи, но и да уживаат во животот.
„Иако ретко ја носам, розевата боја отсекогаш ми била една од омилените бои, а сега, дефинитивно, ми е најомилена.
Па, јас сакам да го гледам светот со розови очила, така е многу поубав, така го гледав и периодот што е зад мене.
Драги мои дами, сега облеков розево за да ве потсетам редовно да се прегледувате и да не чекате, бидејќи раната превенција значи живот!
Изберете живот и не заборавајте канцерот не знае ни кои сте, ни колку години имате, ни од каде доаѓате. Проверете се и уживајте во животот“, напиша таа на својот инстаграм-профил.
