Српскиот актер и музичар Срѓан Жика Тодоровиќ (58), син на познатиот актер Бора Тодоровиќ, објави фотографија со двајца вработени од Комуналната хигиена во Белград, Србија.
„Чистилиште“, напиша тој во описот на фотографијата, која собра над 25 илјади допаѓања на Инстаграм и бројни коментари.
„Од човек господин, секако дека и синот ќе биде господин. Почитта кон уметничката дарба, но пред сѐ домашното образование е основа за целиот живот. Или си човек или не си, а диплома е своевидна влезница за работа од која ја обезбедуваме нашата егзистенција. Работниците во градската чистота се исти како мене, работник во социјална заштита, а ѓубреџии се сите оние кои фрлаат ѓубре и го валкаат нашиот најубав град Белград“, гласи еден од коментарите.
„Каков цар, да си жив и здрав“, „Почит момче“, „Жико, ти беше и остана човек“, „Легендарен човек, без комплекси“, гласат дел од коментарите.
Како потсетување, Тодоровиќ е познат по улогите во филмовите „Српски филм“, „Андерграунд“ и „Црна мачка, бела мачка“, а своевремено свиреше и во неколку музички групи – „Екатарина Велика“, „Дисциплина кичме“, „Радничка контрола“ и „Безобразно зелено“.
