Хрватската пејачка Северина Вучковиќ (52) е една од најдобро стилизираните жени на регионалната музичка сцена, која неретко вметнува доза провокативност во нејзините модни комбинации. Сепак, сега таа се одлучи за елегантно издание, кое наиде на бројни комплименти на социјалните мрежи.
Имено, музичката ѕвезда објави серија фотографии, на кои позира во светлосин фустан со изразена бела јака и ситни цвеќиња како дезен. Станува збор за модно парче кое стилски многу потсетува на она што вообичаено го носи Кејт Мидлтон. Фустанот е со потпис на италијанската дизајнерка Алесандра Рич, која е една од омилените дизајнерки на британската прицеза.
Цената на овој фустан изнесува 2.100 евра, а Северина го искомбинирала со легендарната Лејди Диор чанта, која брендот „Диор“ ја направи во чест на покојната британска принцеза Дијана, а чини 5.000 евра.
„Северина е секогаш одлично облечена. Многу ми се допаѓа“, „Ти си вистинска дама“, „Фустанот е прекрасен, сакам ретро облека“, се дел од коментарите на социјалните мрежи.
View this post on Instagram
