Јована Јеремиќ, една од најконтроверзните и најзборуваните телевизиски водителки на српската естрада, повторно ја изненади јавноста.
На својот фејсбук-профил објави фотографии во раскошна бела венчаница, снимена покрај базен, што веднаш ги разбуди шпекулациите: дали Јована Јеремиќ повторно стапила во брак?
Оваа објава доаѓа по бројните медиумски написи за нејзиниот љубовен живот, особено по раскинувањето со бизнисменот Драган Станковиќ. Неодамна, нивниот заеднички танц на приватна прослава повторно ги разгоре гласините за можна романтична рeконекција.
Но, како што дознава српскиот медиум Пинк, не станува збор за вистинска свадба. Фотографиите се направени за потребите на снимањето на нови, впечатливи џинглови за утринската емисија „Ново утро“ на телевизија Пинк, каде што Јеремиќ е водителка.
