Пејачката Рада Манојловиќ повторно ја изненади јавноста со својата искреност и специфичен хумор, откако во емисијата „Без филтер“ отворено проговори за тоа зошто не чита книги. Нејзината изјава, како и многупати досега, стана вирална и предизвика низа реакции на социјалните мрежи.
– Јас и книги… Јас немам концентрација, не сум смирена. Кога ќе почнам да читам, ми се чини како изгубено време. Имам милион книги, сите ги започнувам, ама ниту една не ми е интересна. Сестра ми ми носи некои книги за психологија, ама мене тоа ми е „борба на нерви“. Подобро ми е да гледам филм, отколку да се натегнувам со книга – вели Рада, додавајќи со доза на сарказам:
– И онака цело време сум на телефон, очите ми се веќе заморени, уште само фали книга да земам – и готово, ќе ослепам скроз!
Манојловиќ е позната по тоа што отворено зборува за сè, без калкулации, па нејзините изјави често стануваат предмет на коментари и преписки на интернет. Таа е активна и на социјалната мрежа „Икс“, каде што неретко споделува лични мисли и интересни опсервации од секојдневието.
Во една од последните објави, Рада го сподели следново филозофско прашање:
– Ако мравките не можат да нè видат, не можат да комуницираат со нас и не зависат од нас, дали тоа значи дека ние за нив не постоиме?
Оваа необична размисла предизвика бурна реакција, а фановите не ја криеја својата симпатија кон пејачката, нарекувајќи ја „освежување“ на естрадата поради нејзината непосредност и оригиналност.
Иако често предизвикува полемики со своите изјави, Манојловиќ има завршено Економски факултет и важи за одличен студент – во нејзиниот индекс преовладувале деветки и десетки.
