Пејачката Ивона Јо ги искористи слободните денови меѓу бројните настапи и свирки за кратко романтично бегство на море со сопругот Кристијан Тодоров.
Младенците, кои на почетокот на оваа година го кажаа судбоносното „да“, во моментов уживаат во заеднички одмор, а дел од убавите моменти ги споделија и со своите следбеници на социјалните мрежи.
На објавените фотографии и видеа може да се види дека парот максимално го користи времето заедно. Ивона објави снимка од плажа на која двајцата се прегрнати, а потоа сподели и серија фотографии исполнети со насмевки, романтични мигови и нежности.
Покрај фотографиите, пејачката испрати и емотивна порака во која ја изрази својата благодарност и среќа.
„Топли ноќи исполнети со љубов, насмевка и неизмерна благодарност за сѐ што е – и што доаѓа. Ти благодарам Господе“, напиша Ивона.
Судејќи според објавите, летниот одмор им годи на двајцата, а љубовната приказна на Ивона и Кристијан продолжува да биде исполнета со многу блискост, поддршка и заеднички моменти за паметење.
