Ќерката на пејачот Харис Џиновиќ, Џина, последните неколку дена ужива со својата мајка Мелина на Азурниот брег, каде што модната дизајнерка се пресели по разводот со Харис.
Ќерката и мајката секој ден уживаат во прекрасното време, на плажа, а навечер вечераат во најексклузивните ресторани во Монако, каде редовен гостин е и кумата на Џина Џиновиќ.
Познато е дека кога Харис и Мелина се венчаа пред 10 години, сведок на пејачот му беше Филип Цептер, но малкумина ја знаат информацијата која влијателна и богата жена ѝ станала кума на Мелина.
Станува збор за Хрватката Славица Радиќ Еклстон, поранешна сопруга на Берни Еклстон, поранешниот сопственик на Формула 1, а колку се блиски говори и фактот што во моментот летуваат заедно.
Ќерката на Харис и Мелина објави фотографија од францускиот ресторан каде што престојувала со Славица и Мелина со натпис „Мојата кума, мојата Славица“.
Дека кумата на Џина Џиновиќ е важна фигура во животот на младата дама, јасно е и од споменатата фотографија, а бидејќи и самата поминала низ развод, Славица ѝ била голема поддршка на Мелина во претходниот период.
За потсетување, Харис и Мелина Џиновиќ се венчаа по 12 години љубов на ексклузивна јахта во Дубровник. Јахтата на која се венчаа Мелина и Харис била закотвена во близина на Дубровник, а на интимната прослава присуствувале триесетина гости.
Како што објавија медиумите, кумата Славица ја организирала венчавката на јахтата „Малтешки сокол“ (Maltese Falcon), една од најлуксузните во светот.
