Пред неколку дена, медиумите ја пренесоа веста дека поранешниот германски фудбалер Бастијан Швајнштајгер се разделува од сопругата Ана Ивановиќ, која некогаш беше светска тенисерка број еден. Тие беа во брак долги години и досега немаше никакви индикации дека може да дојде до нивна разделба.
Во меѓувреме, Ивановиќ се преселила во Белград со своите деца Лука (7), Леон (4) и Тео (1).
Многумина забележаа дека Швајнштајгер, во последно време, е неразделен од германската водителка Естер Седлачек, пишува „Нова“.
Двајцата ја започнаа својата соработка во 2022 година кога заедно водеа емисија посветена на Светското првенство во Катар. Слична соработка имаа и за време на Европското првенство две години подоцна, а денес често се појавуваат заедно на натпреварите од Бундеслигата и Лигата на шампионите.
Седлачек почна да работи во „Скај“, каде што заедно со Швајнштајгер води студио пред натпреварите во Бундеслигата. Нивните заеднички фотографии веднаш привлекоа внимание по веста за разводот.
Инаку, Седлачек е мажена за германски бизнисмен, со кој има син и ќерка.
