Во Виена вечерва се одржува финалето на 70. издание на Евровизија, каде што 25 земји ќе се борат за победа.
На денот на финалето повторно се следи состојбата на евровизиските обложувалници, иако ваквите прогнози во последните години често знаеле да го промашат конечниот исход.
Според моменталните прогнози, главен фаворит на обложувалниците и натаму е Финска, која од почетокот на евровизиската недела се држи на самиот врв. Во кругот на петте најдобро рангирани земји се уште Австралија, Грција, Израел и Романија.
Таквиот поредок, секако, не мора да значи многу во пресрет на самото финале. За победникот ќе одлучува комбинација од гласовите на стручните жири-комисии и публиката, а финалната вечер често знае да донесе пресврти што обложувалниците не ги предвидуваат.
На долниот дел од табелата на обложувалниците се наоѓаат Србија, Обединетото Кралство, Литванија, Германија, Белгија и домаќинот Австрија.
