Илон Маск и канадската пејачка Грајмс во понеделникото го добија првото заедничко дете, а потоа открија дека одлучиле синот да го наречат X Æ A-12.
Сепак, тие нема да можат да го запишат ова име во изводот на детето. Нотарската служба во Лос Анџелес објаснила дека во сојузната држава Калифорнија незаконско е вклучување на симболи и бројки во имињата што се запишуваат во матичната книга на родените.
Законот вели дека во службената документација можат да се појават само букви од абецедата, што значи дека X Æ A-12 ги крши тие правила.
Корисниците на социјалните мрежи веќе со денови се обидуваат да откријат што значи името на детето, а сите недоумици преку Твитер ги реши девојката на Илон Маск.
„Х е непозната варијабпла, а Æ виленски знак за Ai (вештачка интелигенција). А-12 е ознака на нашиот омилен авион СР-17, без оружје, без одбрана, само брзина, одличен во битките, но ненасилен. И за крај А како Архангел, мојата омилена песна“, објаснила Грајмс.
Потоа се огласи и Илон Маск, кој го корегираше нејзиното објаснување. Тој забележал печатна грешка во нејзиниот статус и ја предупреди на тоа, а изгледа дека таа не беше премногу импресионирана со неговиот потег.
„СР-71, ама да“, напиша Маск поправајќи го нејзиното објаснување за нивниот омилен авион, бидејќи ги заменила бројките на ознаката.
Грајмс на тоа не му остана должна:
„Се опоравувам од операција и едвај сум жива, па мислам дека би требало печатните грешки да ми се простат“, одговори таа.
Маск на тоа и напиша дека е силна жена.
Останува да видиме какво ново име сега ќе смислат за бебето.
