Хрватската инфлуенсерка Ела Дворник на Инстаграм им одговараше на прашањата на своите следбеници, а едно од првите се однесуваше на нејзините ќерки.
„Дали девојчињата живеат со тебе?“, ја праша еден од фановите, на што таа искрено возврати:
„Не живеат со мене. Имаме поделено старателство (засега). Но судијката во привремена мерка одреди девојчињата да живеат со татко им во нашата семејна куќа во Истра. Јас сум подстанар во Нови Загреб“, напиша Ела.
Шпекулациите за разводот на Ела Дворник и Чарлс Пирс почнаа уште во 2022 година, а таа јавно го потврди во август 2023. Најавено беше дека барањето за спогодбен развод е поднесено четири месеци претходно, откако двојката веќе подолго време живеела разделено. Сепак, разводот сè уште не е правосилен.
„Требаше денеска да имам рочиште, но беше одложено поради болест. Новиот термин ми го закажаа дури за шест месеци!!! Во новата учебна година!?“, напиша таа во март годинава.
„На рочишта одам од 2022. Сега е 2025. Ќе стане речиси 2026, а јас сè уште немам никакво решение?! Досега ништо не е решено! Ќе го изгубам трпението, а тогаш ќе ги вклучам сите во ова“, додаде таа видно изнервирана.
Ела и Чарлс беа заедно десет години, а во 2019 година се венчаа во Лас Вегас. Имаат две ќерки – Бејли Ди и Луми Рен. По поднесувањето на барањето за развод, уследија меѓусебни тужби. Судењата се одржуваат во Општинскиот суд во Пула и се затворени за јавност.
