„Којзнае, ако денес беше жив Дино Дворник, кој не напушти на 7 септември 2008 година, можеби ќе пееше за забранетата љубов меѓу Хрват и Србинка“.
Вака неговата ќерка Ела зборува на оваа тема преку песната „Liepa nošu“. Ела, под името „Alterella“, ја истражува темата за „забранетата“ љубов меѓу Хрватите и Србите.
Инспирирана од приказните кои често ги слушала при посетата на Белград, Ела решила да се осврне на оваа тема преку интересна музичка соработка. Таа со денови објавуваше фотографии на кои се гледаат силуети на маж и жена кои личат на Ела. Сега е јасно, сето тоа беше дел од најавата за новата песна.
– Песната зборува за таа забранета љубов меѓу Хрватите и Србите, за привлечноста што постои меѓу нашите народи. Во Белград често сум слушнала дека ним им се допаѓа нашиот начин на зборување, а на нас нивниот. Таа тема, кога Хрватка е со Србин, отсекогаш била малку табу на овие простори – вели Ела, која на оваа песна решила да соработува со талентираниот српски рапер Мејси Гамбино, чие вистинско име е Марко Николиќ.
