Пејачката Едита Арадиновиќ долго го држеше својот љубовен живот подалеку од очите на јавноста. Но по неодамнешното појавување на концертот на Емина Јаховиќ во Белград, каде што дојде во придружба на новиот партнер, фитнес-тренерот Ненад Стевиќ, пејачката повеќе не се крие.
Едита сега објави и заедничка фотографија на социјалните мрежи, на која Стевиќ нежно ја прегрнува од зад грб, додека таа се смее и зрачи со среќа.
Во друга објава, таа сподели момент на опуштање со своето омилено пијалакче и остави порака што многумина ја сфатија како директен одговор на интересирањето за нејзиниот приватен живот: „Ајде нека сме сите живи и здрави, и да си гледаме своја работа“.
Ненад Стевиќ е име добро познато во новосадската црна хроника. Пред девет години преживеа обид за убиство, во случај во кој трагично настрада Теодора Каќански. Според првичните информации од истрагата, вистинската мета на нападот бил токму тој. Случајот никогаш не беше целосно разрешен, а судски епилог сè уште нема.
Година по трагедијата, во 2017 година, Стевиќ беше уапсен под сомневање дека се обидел да го киднапира Горан Цвијетиќ, осомничен за убиството на Теодора Каќански.
Иако долго ја избегнуваше темата за својот љубовен статус, Едита сега јасно покажува дека е среќна — и подготвена да го заштити својот мир.
Со новиот партнер покрај себе и со порака која одекна меѓу фановите, пејачката им стави до знаење на сите: приватниот живот е нејзин, а радоста нема намера да ја крие.
