Водителката Јована Јеремиќ вчера на својот Инстаграм профил објави дека ја раскинала свршувачката со Драган Станковиќ, а според информации на Информер, крајот на љубовта го поднесува повеќе од добро.
Имено, иако Јована Јеремиќ и Драган Станковиќ имаа планови да стапат во брак кон крајот на оваа година, сепак ставија точка на својата врска.
Сепак, и покрај тоа што имаше големи очекувања од таа љубов, Јеремиќ одлично го поднесува раскинувањето.
– Јована е силна и разумна, ја прифатила фактичката состојба дека не можат да се усогласат околу тоа како треба да изгледа нивната врска. Таа не е личност која ќе легне во кревет, ќе ја закопа главата во перница и ќе очајува поради својата судбина. Животот продолжува, а својата среќа ќе ја најде покрај некој друг маж – изјавил извор близок до Јеремиќ за Информер и додал:
– Долго го „влечкаа“ тој проблем, но Јована тоа вешто го криеше од јавноста. На неа воопшто не ѝ се познаваше дека има некакви приватни проблеми, со што уште еднаш докажа колкав професионалец е. Секогаш доаѓаше со насмевка на лицето.
Исто така, изворот рекол дека сè што е наведено во соопштението е вистина и дека тоа што останале во добри односи не е само празна фраза.
– Вистина е сè што е напишано во соопштението и не лажеше кога рече дека со Драган ќе остане пријател. Тие не се расправале, ниту се навредувале, нема причина да не останат во добри односи.
