Актерот Брус Вилис го измени тестаментот и ја исклучи од наследство поранешната сопруга Деми Мур, јавуваат американските медиуми.
Тој го направил овој потег поради богатството на актеркта Мур, проценето на повеќе од 200 милиони долари, што е доволно да им помогне на нивните деца во случај да имаат парични проблеми.
Вилис најави дека ќе се повлече од филмското платно поради дијагностицираната афазија, болест поврзана со оштетување на мозокот. Ова, меѓу другото, влијае и на секојдневниот живот, со тоа што ги попречува неговите комуникациски вештини и способноста за говор.
Болеста го натера да посвети повеќе време на своите најблиски, бидејќи сега има повеќе слободно време.
Тој го помина овој Божиќ опкружен со семејство вклучувајќи ја и неговата поранешна сопруга Деми Мур, како и Ема Хеминг, неговата сегашна сопруга. Актерот одлучи да го помине Божиќ со двете заедно и со своите деца.
