Бијонсе ќе исплати половина милион долари неповратни средства за луѓето кои се соочуваат со последиците од станбената криза предизвикана од пандемијата на коронавирусот.
Луѓето ќе можат да се најавуваат на нејзината страница до 7 јануари 2021 година, објави пејачката на својата веб-страница. Парите ќе бидат распределени на 100 избрани лица на крајот на јануари.
„Бијонсе продолжува да обезбедува помош таму каде што е најпотребно. Во втората фаза од распределбата на средствата од фондот „BeyGOOD“ Impact, помошта ќе им биде дадена на луѓето погодени од станбената криза“, се вели во соопштението.
Ова не е прв пат пејачката да им помага на заедниците погодени од пандемија. Пролетта годинава ги поддржа малите бизниси во сопственост на афроамериканци, обезбедувајќи грантови од 10.000долари на 250 бизниси. Во мај, таа и нејзината мајка Тина Ноулс отворија мобилни страници за тестирање COVID-19 во нивниот роден град Хјустон, Тексас. Исто така, во април, во партнерство со фондот „Start Small Jack“, таа донираше шест милиони долари за помош во борбата против коронавирусот
