Ана Николиќ по подолга пауза се врати на музичката сцена со првиот дел од албумот „Хвала, довиѓења“.
Таа објави пет нови песни, кои се производ на соработката и емотивната поврзаност со композиторот и продуцент Горан Ратковиќ – Рале.
Публиката особено ја трогна баладатa „Тераса с погледом на ѕид“, чиј текст е всушност емотивно обраќање на Ана до нејзината мајка Миљана.
Таа на својот Инстаграм сподели слика со мајка си, а во позадина свири песната која штотуку ѝ ја посвети на мајка си.
View this post on Instagram
Пејачката последниве години има прилично затегнати односи со нејзината мајка.
„Мајка ми е секогаш во улога на жртва, никогаш ништо не ѝ е доволно. Тоа го препознав и во себе. До тоа дојдовме за време на терапијата. Ако е петка, зошто да не пет плус? Ако си трет во крос-кантри, зошто не си прв? Ако си прв, зошто не си пред првиот? Тоа место не постои, но нека го измислат. И сето тоа од некакво незадоволство, познато само нејзе. Никогаш доволно и никогаш доволно добро. Навикната сум да не бидам добра. Јас сум црната овца на семејството. Ја прифатив таа улога и ревносно ја играм“, изјави тогаш Ана Николиќ.
