Српската музичарка Биља Крстиќ остро го осуди манипулативниот наслов во српскиот таблоид „Ало“ кој сугерира дека таа починала.
Откако таблоидот „Ало“ утрово објави статија со наслов „Ангелскиот глас замолкна: Биља Крстиќ се збогува, почина по тежок мозочен удар“, познатата српска музичарка Биља Крстиќ реагираше на својот фејсбук-профил, остро осудувајќи го овој вид манипулација.
– Најпрво веднаш да ги смирам сите мои – семејство, фамилија и пријатели… кои утрово се вознемирија — жива сум, добро сум и ништо не ми се случи – напиша познатата етно пејачка Крстиќ и додаде: „„Ало“, срам да ви е!!!“
Имено, споменатиот портал објави статија за смртта на бугарската музичарка Јанка Рупкиња, која почина во април оваа година. Тогаш и Биља Крстиќ ѝ посвети објава на своите социјални мрежи.
Сега Крстиќ објасни дека еден „крајно неодговорен таблоид“ повторно објавил стар текст за нејзиното збогување со Јанка Рупкиња во април.
„Но, насловот е направен така што изгледа како збогувањето да се однесува на мене. Ве молам, не грижете се, добро сум, а за оваа срамот треба да се срамат оние што ја направија – порачар Биља Крстиќ.
Инаку, Биља е сестра на Бора Ѓорѓевиќ од „Рибља чорба“, кој почина на 71 година во септември 2024 година.
