Васил Тројанов Бојанов, познат како Азис, ја шокираше јавноста со своите потези во текот на музичката кариера.
Кога првпат се појави на сцената, тој носеше женска облека, се шминкаше, ја бојадисуваше косата и носеше штикли. Но, и покрај ваквиот провокативен изглед, никој не можеше да му го оспори неверојатниот талент за пеење.
Многу брзо стана еден од најпопуларните изведувачи во регионот, а до ден-денес реди хит по хит.
Азис отсекогаш бил искрен за својот живот, отворено зборувајќи за својата сексуална ориентација и за тоа дека со најдобрата пријателка има деца.
Во одреден момент, тој направи голем пресврт во кариерата – се откажа од својот претходен имиџ, ја отфрли женската маска и ја покажа својата вистинска личност. Денес редовно посетува теретана, има безброј тетоважи, а во преден план доаѓаат неговата црна коса и брада.
Во 2006 година, Азис се ожени со Ники Китаец, иако истополовите бракови сè уште не се легални во Бугарија. Сепак, оваа љубов не траеше долго, па по разводот, пејачот доби ќерка по име Раја со својата најдобра пријателка.
„На почетокот ме прашуваше зошто не ја сакам нејзината мајка, а јас ѝ објаснив дека ја сакам, но на поинаков начин. Многу зборував со ќерка ми додека растеше. Имавме навистина емотивни разговори, ѝ објаснував дека јас имам свој живот, а нејзината мајка свој. Морав да ѝ кажам дека сакам мажи, но и дека нејзината мајка ми е најдобра пријателка. Сакав сè да дознае од мене, а не од други. Родителите мораат да имаат отворен однос со своите деца. Детето треба прво од нив да ги дознае сите вистини“, изјави Азис.
Покрај ќерката Раја, пејачот со својата најдобра пријателка доби уште две деца.
