Вчера во Њујорк официјално почна Модната недела, а меѓу првите својата колекција за есен/зима 2020 ја претстави модната куќа „Каролина Херера“.
Прочуен по елегантните парчиња на исклучително женски кроеви, познатиот бренд ни овојпат не ги разочара љубителките на ваква мода.
Она што прво паѓа во очи кога ја гледаме колекцијата се впечатливите бои.
Силна жолта, пригушена нијанса на портокалова и кралско сината очигледно ќе доминираат идната сезона.
Познатиот бренд уште еднаш покажа дека едноставноста и класиката немаат конкуренција и дека се секогаш моден погодок.
