Ким и Кортни Кардашијан не ја пропуштија Модната недела во Париз. Но, и покрај тоа што многу модни куќи ги ослободија првите редови за нив, местото на кое привлекоа најголемо внимание беше неделната миса на Канје Вест. Ким и Кортни на обредот се појавија во припиени латекс комбинации, кои само неколку дена пред тоа беа претставени на модната ревија на Балмаин.
Кортни облече маица и панталони од овој „неблагодарен“ материјал, а Ким својот изглед го надополни со сако.
Иако многу критичари го пофалија овој смел дизајн, многумина ги исмејаа поради тешкото движење во овој материјал и не им беше јасно како не „умираат од жештина“ во него.
„Можам буквално да ги слушнам комбинацииве“, напиша еден корисник на Инстаграм алудирајќи на „шушкавоста“ на материјалот, а имаше и многу други негативни коментари во истиот стил. На многумина им сметаше оваа комбинација, бидејќи сметаа дека не е соодветна за неделната миса.
