Некои одушевија со изборот, а други, според зборовите на стручњаците, сосема разочараа.
На 77. доделување на наградата Златен глобус очите на јавноста беа вперени во модните комбинации на бројните ѕвезди што се прошетаа по црвениот тепих. Некои одушевија со изборот, а други, според зборовите на стручњаците, сосема разочараа.
Посебно внимание привлече Рене Зелвегер (50), која ја освои наградата за најдобра глумица во категоријата драма. За улогата во филмот „Џуди“, глумицата ослабела 15 килограми, поради што јавноста беше шокирана од нејзиниот изглед. Глумицата на доделувањето на Златен глобус се појави во долг син фустан на италијанскиот бренд „Армани“. Рене била на диета на која се внесуваат 40 % јагленихидрати, 30 % протеини и 30% масти, а очигледно диетата ѝ успеала.
На црвениот тепих заблеска и Селма Хаек (53), која носеше тесна тоалета потпишана од „Гучи“, а особено го нагласи бујното деколте.
Со длабоко деколте се пофали и Скарлет Јохансон (35), која носеше свилен црвен фустан, а од накит 120-каратен гердан на „Булгари“.
Сличен фустан носеше и Никол Кидман.
Без градник на црвениот тепих дојде Кери Вашингтон (42), која наместо градник носеше ланец со потпис на „Алтузара“.
Американскиот глумец Били Портер (50) познат е по неговите контроверзни модни комбинации. Тој носеше рачно изработено бело одело со долга наметка со ефект на перја на дизајнертот Алекс Винаш.
Џенифер Лопез одбра фустан од модната куќа „Валентино“, со голема машна на градите, а комбинацијата ја надополнила со ѓердан од 145 карати.
Погледнете ги и останатите ѕвезди кои придонесоа за драмата на црвениот тепих.
