Пештерата Проходна, или како што популарно ја нарекуваат Божји очи е една од главните атракции во централна Бугарија. Се наоѓа на 112 километри од Софија, во близина на селото Карлуково, а долга е 262 метри.
Пештерата е природно осветлена благодарение на големите влезови и природните отвори на горниот дел.
Се наоѓаат еден до друг, имаат сличен облик и наликуваат на две очи што ги надгледуваат посетителите.
Кога се гледаат од одреден агол потсетуваат на очи кои гледаат надолу, а кога врне дожд се остава впечаток дека од очите капат солзи.
Пештерата била населена во текот на неолитот, за што сведочат археолошки наоди. Заштитена е со Законот од 1962 година.
