Сè што прави Џорџина Родригез се коментира, добро или лошо. Партнерката на Кристијано Роналдо е секогаш во центарот на медиумското внимание. Тоа не се смени и покрај тоа што таа замина да живее во Саудиска Арабија каде што игра Португалецот. Тоа беше радикална промена за неа и за нејзиното семејство, но се чини дека малку по малку се прилагодува, како што покажува на своите профили на социјалните мрежи.
На Инстаграм инфлуенсерката има 47 милиони следбеници и нејзините објави се многу коментирани. Во една од последните што ги прикачи на своите „стори“, изгледа како да им прати порака на сите што ја критикуваат. На сите им ги покажува проектите на кои е посветена, како на пример да биде амбасадор на неколку брендови за облека и накит. Работи и како модел.
Многу корисници на социјалните мрежи тврдат дека таа се што има му должи на Кристијано. Овие коментари не ѝ се допаѓаат на Џорџина и затоа сакала да испрати порака до сите оние кои така мислат за неа.
А во својата најнова „приказна“ прикачила фотографија на која се шета со чанта и кафе во рака, за да изгледа како да е во среде работен ден.
Оваа фотографија ја придружува со текстот: „Уште еден прекрасен ден на работа, за подоцна да не можат да кажат дека богатите жени не работат“.
View this post on Instagram
Секако, оваа порака предизвика многу контроверзии на Инстаграм, каде што некои ја поддржаа Аргентинката, додека други повторно се позиционираа против неа.
