Силен земјотрес со магнитуда од 5,5 степени по Рихтер ја погоди Грција, кај островот Крит, според ЕМСЦ.
Земјотресот се случил во 1.25 часот по локално време, односно 00:25 по македонско време, со епицентарот во Крит, на 64 километри од Ситија.
Имаше и последователен потрес со јачина од 3,1 степени, јавуваат грчките медиуми.
Силен татнеж во времетраење од 20-тина секунди почувствувале граѓаните на Грција, а земјотресот бил почувствуван низ цела јужна и југоисточна Грција, а особено на Карпатос, Касос и Родос.
Потресот бил почувствуван на островите Киклади и во Египет.
Службите издадоа предупредување за цунами.
