Американското воено воздухопловство и еден од најголемите одбранбени производители во САД компанијата „Northrop Grumman“ ги претствија најновиот стратешки бомбардер од моделот „B-21 Raider“ базиран на невидливата технологија кој треба постепено да ги заменува стратешките авиони од периодот на Студената војна.
Како што се очекуваше, конкретни поединости за авионот сѐ уште се врвна тајна, но американскиот министер за одбрана Лојд ОСтин додаде дека леталото е доказ за „доглотрајните американски предности во генијалноста и иновативноста“.
Остин рече дека авионот претставува значаен напредок во однос на постојните бобмардери во американската воздухопловна флота, додавајќи дека „дури и најсофистицираните системи за противвоздушна одбрана“ тешко ќе го лоцираат „B-21 Raider“ на небото.
Презентацијата се одржа во погоните во Палмдејл, во сојузната држава, во пристуство на Остин, кој претходно најавувајќи го настанот на Twitter го опиша како „историски“. Самиот произведувач го позицинира својот бомбардер како „едеинствен авион од шестата генерција во светот“.
„Во овој авион се вложени педесет години напредок во технологијата за ниска видливост“, рече Остин и додаде дека авионот, исто така, е изграден со „архитектурата на отворен состем“, која овозможува вградување „ново оружје кои сѐ уште не е изумено“.
Авионот „B-21 Raider“, како што беше објаснето во директниот пренос на презенатацијата на официјалната веб-страница на „Northrop Grumman“ ќе може да стаса до која и да е локација на светот, да носи нуклеарно и ненуклеарно оружје и да се справи со најнапредните системи на противвоздушната одбрана благодарение на напредната „стелт“ технологија. Се очекива во иднина да бидат претставени и беспилотни модификации на овој модел.
