Францускиот претседател Емануел Макрон најави дека ќе разговара со рускиот претседател Владимир Путин за ситуацијата поврзана со нуклеарната енергија во Украина.
Макрон рече дека ќе разговара со Путин по разговорите со генералниот директор на Меѓународната агенција за атомска енергија, Рафаел Гроси.
– Не е утврден прецизниот датум – изјави Песков за „Спутник“.
Од друга страна, пак, Русија соопшти дека го отфрла барањето на Западот за целосно повлекување од Украина како дел од преговорите за завршување на војната.
Портпаролот на Кремљ, Дмитриј Песков, повтори дека претседателот Владимир Путин останува отворен за разговори, но oти барањето на Западот, Москва прво да ги повлече своите трупи од Украина, е неприфатливо.
Изјавата на Песков се случи додека Путин разговараше по телефон со германскиот канцелар, Олаф Шолц во петокот наутро.
Кабинетот на Шолц соопшти дека тој јасно му ставил до знаење на Путин „дека мора да има дипломатско решение што е можно поскоро, кое вклучува повлекување на руските трупи“.
