Француската министерка за територијална кохезија Каролин Каје денеска соопшти дека поднела оставка од функцијата по јавните критики дека не била доволно транспарентна во изјавата за имотната состојба.
На почетокот на оваа година, министерката Каје предизвика бура од реакции за друго прашање, односно за истополовите бракови, па мораше да се извини по критиките кои поттикнаа повеќе од сто француски јавни личности да потпишат отворено писмо во кое ги осудуваат нејзините хомофобични забелешки. Каје беше именувана за министерка за територијална кохезија во новата француска влада формирана на 4 јули.
Таа на почетокот стоеше на својот став против истополовите бракови, а потоа додаде дека има „многу пријатели меѓу таквите луѓе”. Два дена подоцна таа се извини за изјавата.
Сенатот тој месец ја праша дали таа се спротивставува на законот од 2013 година кој им дозволува на истополовите парови да стапуваат во брак и да посвојуваат деца. Новоизбраната министерка тогаш реформата ја нарече „каприц” и „план што оди против природата”.
Елисејската палата ја потврди информацијата за оставката на Каје, без да наведе причина. Беше кажано само дека на таа позиција ќе биде Доминик Форе.
