Зголемена инфлација, гасот како оружје на Русија и ограничувањето на цената: сè уште постои единство на визијата меѓу 27-те европски земји. Се очекува зелено светло за кандидатурата на Украина и Молдавија.
Денеска почнува последниот самит на ЕУ пред летото, а две главни теми ќе бидат на масата на шефовите на држави и влади на 27-те европски земји: цената на енергенсите, сега надвор од контрола, и пристапувањето на нови земји во европскиот блок.
И покрај вртоглавото зголемување на инфлацијата, сè уште нема консензус за плафонот за цената на гасот меѓу 27-те, всушност сè уште нема предлог на Комисијата, додека Москва постепено ги затвора славините на Европа и ја користи енергијата, но и житото, како оружје за војна против Европа.
ЕУ ќе им додели кандидатски статус на Украина и Молдавија. Грузија и Босна ќе добијат јасна европска перспектива, но Брисел ќе побара дополнителен чекор за статус. За зпочнувањето пак, на пристапните преговори на Албанија и Македонија за влез во ЕУ, од Брисел уверуваат дека тоа е само прашање на денови. Бугарското вето, се очекува да падне поради актуелната нова владина криза.
„Ова е време на Европа“, рече Урсула фон дер Лајен. „Европа која ќе ја потврди финансиската, хуманитарната и воената поддршка на Киев „се додека тоа е потребно“.
Сепак, украинскиот претседател, Володимир Зеленски, најверојатно ќе биде разочаран поради санкциите – неговиот апел седмиот пакет да биде одобрен „што е можно поскоро“ со цел да се подигне притисокот врз Русија се уште не е исполнет.
