Елизабет Тејлор ќе остане запаметена по епската филмска кариера и се разбира, по турбулентниот љубовен живот. Беше жена што знаеше да ужива во животот и неговиот задоволства, а нејзиниот рецепт за пилешко ќе направи и вие да уживате.
Состојки:
1 авокадо, излупено и исечено на коцки, 1 лажица сок од лимон, 1 кг пилешко, исечени на парчиња за сервирање, 1/4 чаша путер + 3 лажици, 3 парчиња мал кромид – ситно сечкани, 3 лажици коњак, 1/3 чаша суво бело вино, 1 чаша крем за готвење, 200 гр исечени свежи печурки, 1 чаша пилешки бујон, Сецкан свеж магдонос за гарнир.
Подготовка:
Посипете го авокадото со сок од лимон. Покријте и ставете го во фрижидер. Зачинете го пилешкото со сол и бибер. Во голема тешка тава, на тивок оган, загрејте 3 до 4 лажици путер и пржете го пилешкото околу 35 до 40 минути. Користете две тави ако е потребно, додавајќи повеќе путер по потреба.
Готвеното пилешко префрлете го во сад за сервирање. Нежно покријте со алуминиумска фолија и оставете го во затоплена рерна, 15 минути додека го подготвувате сосот. За да го направите сосот, во тавчето додајте го кромидот. Гответе на средна топлина, мешајќи ги и стругајќи ги страните и дното на тавата со дрвена лажица. Додадете коњак и вино и оставете да зоврие. Се вари додека смесата речиси не испари. Додадете крем и гответе уште 5 минути. Додадете пилешки бујон во смесата и гответе на средна температура, постојано мешајќи додека не се згусне.
Додека се готви сосот, пржете ги печурките на силен оган во путер. Во сосот додадете ги печурките и коцките авокадо. Мешајте додека убаво да се соедини. Прелијте го на пилешко и посипете со магдонос.
View this post on Instagram
