Сите манекенки и модели привлекуваат внимание со својот изглед, но предизвикуваат и бројни дискусии. Многу манекенки поради работата се принудени да се подложуваат на разни диети, па дури и со денови не консумираат храна за да ја задржат витката линија.
Една од најплатените манекенки во светот, Жизел Бундхен напиша книга за исхраната и начинот на живот, која поттикна многумина да го следат нејзиниот пример. Од модните ангажмани и нејзините модни и козметички линии Бразилката успеа да создаде вистинско богатство, околу 400 милиони долари.
View this post on Instagram
За нејзиниот животен стил беа напишани бројни написи во медиумите за мода и убавина. Добро е познато дека Жизел е поборник за здрава исхрана, јога и холистички пристап кон животот, а истата филозофија му ја пренесе и на нејзиниот сопруг, спортистот Том Брејди, како и на нивните две деца. Менито што им го подготвува нивниот готвач беше објавено во медиумите пред неколку месеци. Тоа вклучува органски намирници, храна без глутен, шеќер и брашно. Жизел се придржува до шесте златни правила на здрава исхрана, па целото семејство утрото го започнува со чаша топла вода во која е исцен лимон.
Во текот на денот задолжително се конзумира органско овошје и зеленчук, органско пилешко, органски бифтек или патка, а најчесто јадат див лосос подготвен на маслиново масло. Црвеното месо е дозволено само еднаш месечно. Шеќерот и брашното се строго забранети во домот и ова е правилото кое Жизел строго го следи. Вечераат најдоцна во 18 часот, за да може телото да се одмори во текот на ноќта и да има време да ја свари храната. Двапати годишно таа оди на детоксикација во некој од светски познатите ресорти.
Сите совети за подобар живот и личните искуства низ годините Жизел ги собра во книгата „Лекции: Мојот пат до живот со смисла“. Во книгата, покрај планот за исхрана, таа зборува и за тешките периоди во животот и открива како медитацијата и била од голема помош.
View this post on Instagram
