Крузерот „Дајмонд принцес“, кој е под карантин во Јапонија веќе десет дена, достигнал број од 175 лица што се заразени со коронавирусот. На останатите 3.700 им е дозволен пристапот на интернет, по што почнаа да осамнуваат првите слики од тоа што се случува на крузерот. Патниците се изолирани на крузерот во пристаништето Јокахома, јужно од Токио.
Строги правила за патниците
Првите неколку дена патниците воопшто не смееле да ги напуштаат своите соби, но не се жалеле премногу бидејќи имале храна, вода, струја и интернет. Тие веднаш биле снабдени со топломери и упатство да ја мерат температурата неколкупати дневно и да пријават температура повисока од 37,5 степени Целзиусови.
Грижа за секој од патниците
Екипажот води сметка за сите барања на патниците, а најмногу внимание посветува на најмалите патници што се наоѓаат под карантин во крузерот. На почетокот им донеле плишани играчки, слатки, играчки и видеоигри. Родителите им се неизмерно благодарни за тоа. Секој ден стигнуваат играчки за најмалите. Услугата во собите сè уште работи и храната што ја добиваат патниците е сè уште привлечна.
Hi Casino we are 2 Casino Residents Quarantined on the Diamond Princess in Yokohama Japan now into Day 6 of 14 we are…
Publiée par Jan Dave Binskin sur Dimanche 9 février 2020
Враќање на парите
На 9 февруари патниците добиле известување од крузерот „Дајмонд принцес“ дека ќе ги добијат целосно парите назад. Следниот ден на патниците им било дозволено да излезат од своите кабини на неколку минути, но морале да се држат на оддалеченост од барем два метра од патниците од другите кабини. Освен тие неколку минути дневно што ги поминуваат на палубата, семејствата целиот ден го поминуваат заедно во малите кабини.
Обврските ги оддалечуваат од ситуацијата
Екипажот се обидувал да ја засили надежта на патниците, па им доставиле храна и пијалаци вечерта кога биле Оскарите. Патниците и покрај сериозноста на ситуацијата, се обидуваат да ги извршуваат сите активности што ги извршувале пред да бидат ставени под карантин. Некои држат состаноци онлајн, други вежбаат и ја одржуваат формата и сето тоа го прават во малите кабини. Некои патници, пак, се жалат дека им снемува алкохол, бидејќи само со негова помош можат да избегаат накратко од напнатата ситуација.
Брзата помош, полицијата и новинарите го „чуваат“ крузерот
Јапонската брза помош и полиција се наоѓаат на пристаништето на кое е закотвен крузерот. Новинарите, пак, со мали јахти кружат околу крузерот, обидувајќи се да добијат ексклузивни снимки за животот на заразените и на другите лица.
