Недостаток на витамин Ц може да предизвика бројни здравствени проблеми, а најчестите вклучуваат губење на тежината, замор, воспалени непца што можат да крвават, рани на кои им треба долго време да зараснат, настинка по настинка и слично. Тука се вбројуваат и честите инфекции на уринарниот тракт.
Витаминот Ц е основна компонента на сврзното ткиво и игра важна улога во заздравувањето на раните. Делува како антиоксидант, може да спречи оштетување на клетките и игра превентивна улога кога е во прашање оксидативниот стрес.
Овој витамин е потребен за биосинтеза на колагенот и затоа е главна состојка во многу производи за нега на кожата. Според НИХ, многу истражувања докажале дека витаминот Ц може да спречи развој на рак, а повеќето студии покажуваат порзаност помеѓу внесот на витамин Ц и карциномот што се јавува на белите дробови, дојката, цревата…
Според експертите, постојат докази дека овој витамин спречува развој на кардиоваскуларни болести. Земањето на овој витамин преку храна или суплементи делува како заштита од коронарни болести на срцето, а може да го намали ризикот од срцев удар.
НИХ, исто така, нуди докази дека витаминот Ц може да спречи, па дури и да лекува макуларна дегенерација и катаракта, две водечки причини за губење на видот кај постарите лица.
Акутниот недостаток на витамин Ц може да доведе до скорбут (крвавење на непцата), а симптомите може да се појават еден месец откако ќе се појави дефицит на овој витамин во организмот. Симптомите вклучуваат замор и воспаление на непцето (гингивит). Сепак, состојбата може да се влоши, така што ќе донесе и депресија, дури губење на забите. Ако не се лекува, може да биде фатално.
Овој витамин го зајакнува имунитетот. Витаминот Ц може да го скрати времетраењето на настинката и да ги ублажи симптомите кај општата популација.
Деменцијата е широк израз што се користи за да се опишат симптомите на лошо размислување и памтење. Витаминот Ц е силен антиоксидант. Ниските нивоа на овој витамин се поврзани со ослабена способност за размислување и помнење. Покрај тоа, неколку студии покажаа дека луѓето со деменција може да имаат пониски нивоа на витамин Ц во крвта.
Овој витамин му помага на организмот што подобро да апсорбира железо, а една студија докажала дека 100 мг од овој витамин ја зголемува апсорпцијата на спомнатиот минерал за дури 67 отсто.
Како да препознаете недостаток на витамин Ц?
Склоност кон инфекции, малаксаност, болести во зглобовите, но и сува кожа на телото, рани што бавно зараснуваат и слично, се само некои од предупредувачките знаци кои ни кажуваат дека треба да го зголемиме внесувањето на овој моќен антиоксидант.
