Истражувачите на Државниот универзитет во Џорџија тврдат дека откриле антивирусен лек кој се внесува орално и за 24 часа ги спречува заболените лица со коронавирус да го шират вирусот на здравите луѓе.
Станува збор за лекот МК-4482/ЕИДД-2801, познат под називот „молнупиравир“, кој за еден ден целосно го стопира можниот пренос на ковид-19 на другите лица.
На чело на тимот е доктор Ричард Племпер, кој октрил дека лекот е исто така добар во борбата против сезонските вируси.
– Ова е првата демонстрација на лекот кој екстремно брзо го блокира пренесувањето на SARS-CoV-2. Ова би можело да биде пресвртница – изјавил доктор Племпер.
Прекинувањето на ширењето на вирусот додека не дојде до масовна вакцинација на населението ширум светот би ги спречиле катастрофалните последици, кои веќе ги остави пандемијата.
Со оглед на тоа дека лекот може да се зема орално, со лекувањето може да се започне во раната фаза на болеста со потенцијална тројна корист – спречување болеста кај пациентот да премине во сериозна состојба, скратување на фазата во која лицето е заразно, со цел да се спречат емоционалните и социо-економските последици на долгиот престој во изолација и брзо смирување на локалните жаришта.
– Забележавме дека лекот МК-4482/ЕИДД-2801 донесе цел спектар на активности против респираторните РНА вируси и дека лекувањето на заразените животни, давајќи им го лекот орално, драматично ја намалува трансмисијата – изјавил Племпер.
